Հաշվապահների մասնագիտության մեջ աճելու հարցը կախված է մի քանի գործոններից, որոնք կարող են խոչընդոտել կամ դանդաղեցնել նրանց մասնագիտական աճը:
Սա սովորաբար կապված է ինչպես արտաքին հանգամանքների, այնպես էլ ներքին գործոնների հետ:
Եկեք քննարկենք առավել հաճախ հանդիպող 4 պատճառները:
Տեխնիկանան առաջադրանքներով ծանրաբեռնվածություն
Երբ հաշվապահը անընդհատ զբաղված է տեխնիկական աշխատանքներ կատարելով՝ ինչպիսիք են տվյալների մուտքագրում, փաստաթղթավորում, մեխանիկական հաշվարկներ, նա ժամանակ չի ունենում ավելի կարևոր, զարգացնող ու երբեմն էլ խնդիրների վրա աշխատել:
Մասնագիտական աճ գրանցելու համար պետք է ընդունել ավելի հետաքրքիր, բարդ մարտահրավերներ ու վերլուծություն պահանջող առաջադրանքներ, օրինակ՝ կատարել տվյալների ուսումնասիրություն, ֆինանսական հաշվետվությունների պատրաստում կամ ֆինանսական միջոցների կառավարում:
Նույն ոլորտում աշխատանք
Եթե աշխատանքը սահմանափակվում է նույն ոլորտում և չի ենթադրում նոր մարտահրավերներ, ապա խորը մասնագիտական փորձի ստացումը բացառվում է:
Մեկ ոլորտում երկարաժամկետ աշխատանքը հանգեցնում է խորացման միայն այդ ոլորտում, այն ինչ ինչքան էլ հաշվապահական հիմնական աշխատանքներն ու սկզբունքները նույնը լինեն, միեւնույն է կան շատ նրբություններ, որոնք հատուկ են տվյալ ոլորտին։
Մշտապես նույն ոլորտում աշխատանքը բնականաբար բերում է հաշվապահի խորը մասնագիտացմանն ու գիտելիքների ամրապնդմանը տվյալ ոլորտում, բայց նաեւ դարձնում է նրան մեկ ոլորտի հաշվապահ՝ հեռու պահելով մասնագիտական ավելի լայն մասշտաբներ ստանալուց։
Շփման բացակայություն մասնագիտական համայնքի հետ
Հաշվապահությունը մշտապես զարգացող ոլորտ է, որտեղ շատ են փոփոխությունները նոր օրենքների, կանոնակարգերի ու տեխնոլոգիաների հետ կապված:
Մասնագիտական համայնքի մեջ հաճախ կարելի է լսել տարբեր իրավիճակների ու դրանց լուծման ուղիների մասին, իրականացնել տարբեր վիճելի հարցերի շուրջ քննարկումներ, որոնք օգնում են ոչ միայն ավելի խորանալ տվյալ հարցի մեջ, այլ նաեւ վերցնել այլ մասնագետների ունեցած փորձն ու գիտելիքները։
Չվերապատրաստվել
Սա այն կետն է, ինչը չափազանց մեծ խոչընդոտ կարող է հանդիսանալ մասնագիտական աճին: Հաշվապահության մեջ օրենսդրական փոփոխությունները շատ հաճախակի են հանդիպում: Հետևաբար, իրավաբանական ու ֆինանսական խնդիրներ չառաջացնելու համար, հաշվապահը պետք է հետևի փոփոխություններին ու համապատասխանի նոր պահանջներին:
Եթե հաշվապահը չի կատարելագործում իր մասնագիտական հմտությունները, ապա կարող է մոռանալ մասնագիտական աճի մասին:
Վերապատրաստումները պահպանում են հաշվապահի մասնագիտական պատրաստվածությունը, օգնում լինել առաջատար մասնագետ ոլորտում:
