Cash flow կամ դրամական միջոցների հոսքի մասին հաշվետվություն։ Սա այն կարեւորագույն հաշվետվություններից է, որը միշտ պետք է լինի ֆինանսական տնօրենի սեղանին՝ բիզնեսի վճարունակությունը գնահատելու եւ վերահսկելու համար։
Ինչ է կանխիկ հոսքը:
Cash flow-ը որոշակի ժամանակահատվածի համար դրամական մուտքերի եւ ելքերի մասին տեղեկությունն է: Cash flow-ը ցույց է տալիս, թե որքանով է արդյունավետ ընկերությունը կառավարում իր կանխիկ գումարը և արդյոք այն կարող է ծածկել իր ծախսերը:
Այս հաշվետվությունում դրամական հոսքերը բաժանվում են հետեւյալ երեք խմբերի մեջ։
- Գործառնական գործունեությունից դրամական հոսքեր
- Ներդրումային գործունեությունից դրամական հոսքեր
- Ֆինանսավորման գործունեությունից դրամական հոսքեր
Գործառնական գործունությունը կազմակերպության հիմնական հասույթ առաջացնող գործողություններն են: այլ կերպ ասած, դրանք բիզնեսի հիմնական գործունեությունից առաջացող հոսքերն են։
Օրինակ`
- ապրանքների վաճառքից և ծառայությունների մատուցումից մուտքերը,
- վարձավճարներից, միջնորդավճարներից և այլ եկամուտներից մուտքերը,
- մատակարարներին կատարվող վճարումները ապրանքների և ծառայությունների դիմաց,
- վճարումներ աշխատողներին և նրանց անունից,
- շահութահարկի վճարումները և հետ վերադարձը (եթե դրանք չեն կարող հստակ որոշվել որպես ֆինանսավորում կամ ներդրումներ),
Ներդրումային գործունեություն.Ներդրումային գործունեությունն իրենից ներկայացնում է երկարաժամկետ ակտիվների ձեռքբերումն ու օտարումը և այլ ներդրումներ, որոնք չեն հանդիսանում դրամական միջոցների համարժեքներ:
Օրինակ`
- երկարաժամկետ ակտիվների ձեռքբերմանն ուղղված վճարումները երկարաժամկետ ակտիվների վաճառքից մուտքերը,
- այլ կազմակերպություններում ներդրումները
- այլ կազմակերպություններում ներդրումների վաճառքից մուտքերը
- այլ կողմերին տրված փոխատվությունները և վարկերը (բացառությամբ ֆինանսական հաստատության կողմից տրվածները, որովհետեւ ֆինանսական կազմակերպությունների համար վարկերի տրամադրումը համարվում է հիմնական գործունեություն եւ ներառվում է գործառնական գործունեությունից դրամական հոսքերի մեջ),
- այլ կողմերին տրված փոխատվությունների և վարկերի մարումից մուտքերը
Ֆինանսավորմա գործունեությունը այն գործունեությունն է, որը հանգեցնում է կազմակերպության կողմից ներդրված սեփական կապիտալի և փոխառու միջոցների չափի և կազմի փոփոխությունների:
Օրինակ`
- բաժնետոմսերի թողարկումներից մուտքերը,
- կազմակերպության բաժնետոմսերը ձեռք բերելու կամ մարելու նպատակով կատարված վճարումները,
- փոխառու միջոցների մարումները,
Գոյություն ունի դրամական հոսքերի կազմման երկու մեթոդ
Ուղղակի մեթոդի համաձայն ներկայացվում են համախառն գործառնական դրամական միջոցների մուտքերի խոշոր դասերը (օրինակ, հաճախորդներից հավաքագրված դրամական միջոցները) և համախառն գործառնական դրամական վճարումները (օրինակ, մատակարարներին և աշխատակիցներին կատարված դրամական վճարումները): Այս համախառն գործառնական դրամական միջոցների հոսքերը համախմբվելով կազմում են կազմակերպության զուտ գործառնական դրամական միջոցների հոսքերը:
ՈՒղղակի մեթոդով դրամական հոսքերը հաշվարկվում են հետեւյալ կերպ՝
Cash Flow=ՄՈՒՏՔԵՐ-ԵԼՔԵՐ
Այս մեթոդի թերությունը կայանում է նրանում,որ չի բաահայտվում ստացված ֆինանսական արդյունքի և դրամական հոսքերի փոխկապակցվածությունը։ Դրանց գումարների միջև առկա են էական տարբերություններ, որոնք պայմանավորված են կարևոր առանձնահատկությամբ` հաշվապահական հաշվառման մեջ.
Անուղղակի մեթոդով դրամական հոսքերի հաշվետվության կազմման համարկազմակերպության զուտ շահույթը ճշգրտվում է ոչ դրամական ծախսերով՝ օրինակ մաշվածության գումարով,դեբիտորական եւ կրեդիտորական պարտքերի փոփոխություններով;
Անուղղակի մեթոդը հնարավորություն է տալիս գնահատելու կազմակերպության գործունեության
տարբեր տեսակաների միջև փոխադարձ կապերը,ցույց է տալիս հաշվետու ժամանակաշրջանում զուտ շահույթի և շրջանառու կապիտալում փոփոխությունների փոխադարձ կապերը:
